Ипотекийн зээлийн хүүг таван хувь болгох шийдвэр өчигдрөөс хэрэгжиж эхэлсэн. Монгол банкнаас гаргасан судалгаагаар 18 гаруй мянган өрхийн ипотекийн зээлийн хүү гэрээ хийсэн өдрөөсөө эхлэн таван хувь болох юм. Иргэд өөрсдийн цаг зав, бололцоогоороо харилцагч банк дээрээ очоод өмнөх зээлийн гэрээгээ өөрчлөх эрхтэй. Гэхдээ өмнө нь найман хувийн хүүтэй зээлээр орон сууц авсан иргэн бүр зээлийн хүүгээ таван хувь руу шилжүүлэх боломжгүй. Мөн шинээр ипотекийн зээлээр авч буй байр болгоныг таван хувийн зээлд хамруулахгүй юм. Харин цаашид хөрөнгө оруулалт нэмэгдэж, бондоос олох мөнгө нэмэгдвэл ипотекийн зээлийн хүүг нийтэд нь үе шаттайгаар бууруулах зохицуулалтыг хийхээ Засгийн газраас, УИХ-аас мэдэгдсэн. Улмаар ипотекийн зээл, санхүүжилтийн ерөнхий журамд зааснаар Улаанбаатар хотын гэр хорооллын дахин төлөвлөлтийн бүс, алслагдсан дүүрэг, 21 аймгийн нутаг дэвсгэрт орон сууц худалдан авсан болоод авах иргэдийн ипотекийн зээлийн хүүг ийнхүү таван хувь болгох гараа тавигдлаа. Дахин төлөвлөлтийн хүрээнд 2014 онд Ханын материалын орчим СХД-т 168 айлын орон сууц, СБД-ийн долоодугаар хороолол 100 айл орчимд “Бэрэн” группийн барьж буй барилгын а, б блок, 2015 онд Батлан хамгаалах их сургуулийн орчим, БЗД-ийн 8,16 дугаар хороонд “Баганат өргөө” компани, “Гангар инвест” компани тус бүр 168 айлын оройн сууцыг, 2016 онд БЗД-ийн 14 хороололд “Зургаан талт компани”150 айлын орон сууц зэргийг ашиглалтад оруулаад байгаа юм. Удахгүй 100 айл орчимд гэр хорооллын дахин төлөвлөлтийн бүсэд “Бэрэн групп”-ийн барьж буй 800 айлын, БЗД-ийн 8, 16 дугаар хороод баригдаж буй “Гангар инвест”-ийн орон сууцууд шинээр ашиглалтад орох юм байна. Ингээд эхний ээлжид таван хувийн хүүтэй зээлд хамрагдах боломжтой орон сууцуудын байршлыг хүргэж байна. -Шинэ суурьшлын бүс, -Гэр хорооллын дахин төлөвлөлтийн бүс, -Нийслэлийн алслагдсан гурван дүүрэг-Багануур, Багахангай, Налайх -21 аймаг Гэр хорооллын дахин төлөвлөлтийн бүсэд баригдаж байгаа таван хувийн хүүтэй зээлд хамруулах орон сууцны байршил:

Эх сурвалж: http://economy.news.mn/content/238018.shtml

Mar - 16 | no comments.